|  Forsíða
Spurningar og svör
Hvers vegna ætti ég
að velja kennslu hjá Index?
Þegar atvinnuveitendur senda starfsmenn
sína á námskeið ætlast þeir
til að þeir öðlist nýja þekkingu
og færni svo að þeir geti sinnt daglegum störfum
sínum betur og aukið hagnað fyrirtækisins.
Þetta þýðir að þeir vilja tryggja
að skólinn hafi á sínum snærum bestu
kennara og sérfræðinga á sínu sviði
sem völ er á.
Með yfir sjö ára reynslu af kennslu undir belti
og gríðarlega reynslu sem ráðgjafar er einfaldlega
enginn betri kostur á kennslumarkaði á Íslandi
en Index hugbúnaðarþjónusta og ráðgjöf.
Við hvetjum þig til að spyrjast fyrir um okkur
og bera það sem við höfum að bjóða
í kennslu saman við aðra á markaðinum.
Við erum sannfærðir um að þú munir
kjósa að láta okkur sjá um kennsluþarfir
þínar.
 Upp
Ég veit að Index
hefur getið sér gott orð fyrir Microsoft kennslu.
Hvað um aðra kennslu, svo sem Oracle?
Við erum þegar byrjaðir á
þessu. Í júní 2003 bauð Index Cary
Millsap og Gary Goodman frá Hotsos að koma til Íslands
og kenna námskeið í afkastahámörkun
í Oracle gagnagrunnum. Þeir nærri tuttugu þátttakendur
sem mættu á námskeiðið munu örugglega
vera okkur sammála í því að þetta
hafi verið merkilegasta og mikilvægasta Oracle námskeið
sem haldið hefur verið á Íslandi á
síðustu árum. Index mun halda áfram að
bjóða upp á fyrsta flokks Oracle námskeið
og hefur ánægju af því að tilkynna
að Guðmundur mun halda Oracle námskeið reglulega
næsta misseri.
Index býður nú einnig upp á námskeið í forritun með C#.NET sem Karl Thoroddsen kennir.
Upp
Hvað þýðir
MOC?
MOC stendur fyrir Microsoft Official Curriculum.
Þetta eru stöðluð námskeið frá
Microsoft sem kennd eru undir stjórn leiðbeinanda. MOC
námskeið eru venjulega 3 eða 5 dagar og er námsefnið
í formi fyrirlestra, verkefna, kynninga á margmiðlunarformi
og árangursmats. Námskeiðunum er beint að
ákveðnum hópum svo sem kerfishönnuðum,
kerfisstjórum, kerfisumsjónarmönnum og forriturum.
Upp
Hvað eru vinnubúðir
og hvernig eru þær frábrugðnar hefðbundnum
námskeiðum?
Á síðasta ári kynnti
Microsoft nýtt kennslufyrirkomulag sem nefnist Microsoft
Official Workshop.
Þetta nýja fyrirkomulag kemur þeim verulega
til góða sem vilja helst læra með því
að fá að fikta í hlutunum og prófa
áður en þeir lesa blessaða handbókina.
Í vinnubúðunum er lögð áhersla
á „að læra með því að
gera“. Fyrstu tvennar vinnubúðirnar eru sérstaklega
ætlaðar tæknimönnum með Windows 2000 gráður
og er sjónum aðallega beint að nýjungum í
Windows Server 2003. Index mun bjóða upp á fleiri
vinnubúðir í framtíðini um leið
og þær koma á markað. Þriggja daga
vinnubúðir eru í smíðum fyrir kerfisstjóra
á Exchange 5.5 sem vilja uppfæra þekkingu sína
til að geta unnið með Exchange 2003.
Upp
Hvers vegna kallið þið
þetta vinnubúðir?
Í vinnubúðum er mun minna
er um fyrirlestra og nemendur fá mun meira af verkefnum
til að æfa sig en á hefðbundnum námskeiðum. Verkefnin
eru höfð lík þeim
sem kunna að koma upp í daglegu starfi og
enginn kemst hjá því að taka hendur úr
vösum.
Upp
Get ég tekið Microsoft
eða Oracle próf hjá Index?
Sem stendur býður Index nemendum
sínum ekki upp á próf. Nemendur eru hvattir
til að skrá sig í próf hjá næsta Thomson-Prometric eða Pearson-VUE próftökustað.
Upp
Hvað í ósköpunum
er MCSA eða MCSE og hvaða máli skiptir þetta
mig?
MCSA og MCSE stendur fyrir Microsoft Certified
Systems Administrator og Microsoft Certified Systems Engineer. Þetta
eru viðurkenndar gráður fyrir tæknimenn
sem hanna, útfæra, reka og bilanagreina netkerfi
og miðlarabúnað
frá Microsoft. Til eru aðrar gráður frá
Microsoft en MCSA og MCSE eru þær eftirsóttustu.
Til að öðlast MCSA gráðu þarf nemandi
að standast fjögur próf hjá viðurkenndum
próftökustað. Nemendur sem ætla sér
að öðlast MCSE gráðu þurfa að
standast þrjú próf til viðbótar
eða
samtals sjö próf. Nákvæmustu upplýsingarnar
um MCSA og MCSE gráðurnar er að finna á kennsluvef
Microsoft.
Í hinni miklu samkeppni sem ríkir
á markaðinum í dag finnst mörgum fyrirtækjum
æskilegt eða jafnvel krefjast þess að umsækjendur
um störf hafi ákveðnar gráður. Skoðaðu
atvinnuauglýsingarnar í sunnudagsblaðinu til
að
sjá hvað við erum að tala um. Gráður
segja auðvitað ekki alla söguna. Svokölluð
„brain dump“ eða heilaspýjur og pappírsgráður
eru algeng fyrirbrigði þegar kemur að „gráðubransanum“.
Svar við spurningunni
um heilaspýjur og pappírsgráður á þessari
síðu lýsir afstöðu okkar varðandi
slíkt.
Upp
Mun ég ná prófunum
eftir að ég hef tekið námskeið hjá
Index?
Markmið okkar er fyrst og fremst að
veita þátttakendum þá færni og þekkingu
sem nýtist þeim best til þess að ná
settu marki. Við teljum námskeið okkar og vinnubúðir
frábæran undirbúning sem mun nýtast vel
þegar lært er fyrir próf. Venjulega krefst það
meira en að mæta á eitt eða tvö námskeið
til að öðlast gráðu. Það krefst
þrjósku, metnaðar, aga og almennt mikillar reynslu
á námsefninu til að ná settu marki nema
þú viljir svindla og Index leggur ekki nafn sitt við
slíkt.
Upp
Hvað er „brain dump“
og hvernig tengist það pappírs-MCSA, pappírs-MCSE
eða pappírs-hverju-sem-er?
Því miður er það
svo að til er fólk sem öðlast hefur gráður
án þess að hafa nokkurn tíma komið nálægt
því kerfi sem það hefur fengið vottun
fyrir, þ.e.a.s. svokallaðir sérfræðingar
án nokkurrar starfsreynslu. Venjulega eru þeir kallaðir
pappírssérfræðingar vegna þess að
skírteinið þeirra er ekki pappírsins virði
sem það er prentað á. Þessir aðilar
ná prófum með því að læra
eins og páfagaukar svokölluð „brain dump“
sem við höfum kosið að kalla heilaspýjur.
Þetta eru skjöl sem innihalda raunverulegar spurningar
og svör úr prófum og er hægt að nálgast víða.
Index þykir
lítt
til slíkra
námsaðferða
koma og styður þær ekki á neitt hátt.
Við látum nemendum okkar ekki slíkt í té
og kennsluaðferðir okkar taka ekki mið af pappírsgráðu
aðferðinni.
Það sem við látum nemendum
okkar í té eru vísanir á tæknilegt
efni sem styður námsefnið, bækur, greinar og
annað efni en fyrst og fremst er það reynsla og hæfni
kennarana sem mun gera þér kleift að fá
sem mest út úr námskeiðum hjá okkur.
Ef þú ert að leita þér að skjótri
leið að gráðu ættirðu ef til vill að
leita annað.
Upp
Hvers konar þjálfun
er Windows Server 2003 MCSE braut?
Á Windows Server 2003 MCSE brautinni er nemendum
kennd hönnun,
úfærsla og bilanagreining á Windows Server 2003 miðlara-
og netumhverfi og undirbýr þá fyrir þau próf
sem eiga við námsefnið. Brautin
er ætluð nemendum
sem hafa þegar öðlast MCSA gráðu fyrir Windows
Server 2003 og vilja ljúka
MCSE námi. Í ár beinum við athyglinni að hönnun
og útfærslu á Active
Directory og Microsoft Exchange Server 2003. MCSE brautin er
kennd á kvöldin
milli kl 17:00 og 20:30 tvisvar í viku í 15 vikur.
Upp
Býður Index upp
á önnur námskeið en þau sem talin eru
upp á heimasíðunni?
Já. Tækninýjungar koma
sífellt örar á markaðinn og stöðugt
er verið að þróa ný námskeið.
Við gerum okkar besta til að halda námskeiðslistanum
okkar við en ef þú hefur áhuga á
námsefni og sérð ekki viðeigandi námskeið
á listanum okkar skaltu hafa samband við okkur og að
öllum líkindum munum við geta boðið upp
á námskeið sem hentar.
Upp
Býður Index upp
á námskeið á öðrum tímum
en þeim sem koma fram á heimasíðuni?
Já. Ef þú sérð
námskeið sem þú hefur áhuga á
en kennslutíminn hentar þér ekki skaltu hafa
samband við okkur og ræðum saman um hvað við
getum gert fyrir þig.
Upp
Býður Index upp
á námskeið annars staðar en í kennslustofu
sinni?
Já. Sérstaða okkar felst
í því að bjóða viðskiptavinum
upp á innanhússkennslu þar sem við komum
með námskeiðið til þeirra. Ef þú
getur útvegað nauðsynlega aðstöðu og
búnað munum við halda námskeið hvar sem
þú vilt. Margir hafa orðið til að nýta
sér þetta þar sem þetta býður
upp á meiri sveigjanleika, meiri tengsl við starfsemi
fyrirtækisins og minni röskun.
Upp
|
